ნახ.1-ზე მოცემულია სიმძლავრის ფაზურ-იმპულსური რეგულატორის პრინციპული სქემა. ის შედგება VS1 სიმეტრიული დინისტორისა და VS2 სიმისტორისაგან. სინუსოიდალური დენის ყოველი ნახევარპერიოდის განმავლობაში კონდენსატორი C1 იმუხტება R3 და R4 რეზისტორებში გამავალი დენით. როდესაც კონდენსატორზე ძაბვა მიაღწევს 32 ვოლტს დინისტორი გაიხსნება და კონდენსატორი C1 სწრაფად განიმუხტება რეზისტორ R5, დინისტორის VS1 და სიმისტორის VS2 მმართველი ელექტროდის გავლით. დატვირთვაში გამოყოფილი სიმძლავრის სიდიდე დამოკიდებულია იმაზე, თუ რამდენედ დიდ ხანს იქნება სიმისტორი გახსნილი ნახევარპერიოდის განმავლობაში. სიმისტორის ჩართვის მომენტი განისაზღვრება დინისტორის ზღვრილი ძაბვითა (32 V) და (R3+R4)C1 წრედის დროითი მუდმივით. რაც დიდია ცვლადი რეზისტორის R4 წინაღობა, მით უფრო გვიან მოხდება სიმისტორის გახსნა და ამიტომ გახსნილ მდგომარეობაში ყოფნის დრო - მცირეა. სქემაზე მოყვანილი ნომინალები სიმძლავრის თითქმის მთელი დიაპაზონის რეგულირების საშუალებას იძლევა 0 დან 99 პროცენტამდე. რეზისტორი R2 და დიოდები VD1, VD2 უზრუნველყოფენ სიმძლავრის მდორე რეგულირებას (ნახტომების გარეშე) დაბალი სიმძლავრეების დროს. რეზისტორი R5 ზღუდავს კონდენსატორის განმუხტვის დენს (0,1 ამპერამდე) და ამით ახანგრძლივებს გამშვები იმპულსის ხანგრძლიობას (130 μs). ეს კი ზრდის სიმისტორის მუშაობის საიმედოობას.
