სირენა
სირენა შედგება ორი მულტივიბრატორისაგან (ორი მართკუთხა სიგნალების გენერატორისაგან).
პირველი გენერატორი აგებულია ლოგიკურ ელემენტებზე D1.1 და D1.2. ის იძლევა ფიქსირებული სიხშირის იმპულსებს (დაახლოებით 1Hz.), რომელიც განისაზღვრება C1 კონდენსატორისა და R2 წინაღობის ნომინალებით. R1 იცავს D1.1 ლოგიკური ელემენტის შესასვლელებს გადატვირთვისაგან.
პირველი გენერატორის გამოსავალზე მიერთებულია R3R4C2 მაინტეგრებელი წრედი,რომელიც მართკუთხა იმპულსებს გარდაქმნის ხერხისებური ფორმის იმპულსებად. მეორე გენერატორის სიხშირე იმართება ამ ხერხისებური იმპულსებით. R3R4C2 კომპონენტების ნომინალზეა დამოკიდებული სირენის სიხშირის აღმასვლა, დაღმასვლა და მისი ცვლილების დიაპაზონი.
მეორე გენერატორი - ბგერითი გენერეტორი აგებულია D1.3 და D1.4 ლოგიკურ ელემენტებზე. მის მიერ გენერირებული იმპულსების ხანგრძლიობა და სიხშირე დამოკიდებულია R5,R6 წინაღობებისა და C3,C4 კონდენსატორის ნომინალებზე.
მეორე გენერატორის გამოსასვლელებზე მიერთებულია ორტაქტიანი ემიტერული გამმეორებლები VT1,, VT 2, VT 3 და VT 4., რომელიც ასრულებს სიმძლავრის გამაძლიერებლის ფუნქციას. გაძლიერებული სიგნალი მიეწოდება დინამიკს BA1.
ლიტერატურა: "Радио" №10, 1987, გვ.51
|